ونحنا بدورنا أخي مندعمكن ..
الجمهور مجانا " من عنا شرط ما تتركولن حمص وتتطفشو
والسيارات مؤمنة مجانا" من شركة (( الحرب العالمية الثانية للانتاج السيارات الزاحفة والمتسلقة ))
شرط التعاون مع فريق الاتحاد وبدون شروط مسبقة أو
شوفة حال .
السكن منتبرع فيه من مشروع الرنة والبيوت متنقلة ع العضم
الطعام من عندنا جاهز شعيبيات فورية من عند لبيب
وأحمض قيمق عندو يطبخو ..
المصور كمان من عنا منعملو فركة ادن حتى ما يطالع
عبد الحليم متل أم كلثوم ..
وإياد ناصر يصير موسى عبد النور
والمعلقين نساعدكم بهم الشباب المشجعين من الحارة الشمالية
والناعورة ودوار المتنبي وما حدا يعتب علينا لان الشباب كلن
حميماتية وع السوزوكي يا ولد ...
كمان أخي فينا نقدملكن ملاعب مجانية :
الملعب البلدي إذا ضل بلدي وما تقاسمو بيت كرمو وبيت رحمو
ساحة هنانو , ساحة السبع بحرات ويا ريت تبعدو شوية حتى
ما تغرقو
وكمان في عنا دوار التسع سمكات وعند الدوار منساوي
وجبة غدا ...
كمان فينا نعمل للاعبين تفتيلة سياحية
من كراج البولمان والمنطقة الصناعية ..
مرورا" بحارة القرباط التي تشمل معظم المنطقة وتطرد السكان الأهليين
أهلا وسهلا فيكن كمان ح نقدم للاعبين الكرام
زيارة مجانية إلى معرة النعمان قلعة المعرة حمام السوق
سوق النسوان ....
كورنيش دير سمعان ..
الاتصالات بس ما وصلو الشباب ع ادلب مباشرة
ألف ناقل للأخبار بيستناهن وبجيب خبرهن
المسبح ما فينا نأكد علي كتير
لان على ما يبدو - والله أعلم _ أن العمال الذين يعملون به لم يخرجو حتى الآن
ومنخاف ع لاعبينا الحماصنة الاصدقاء ما يفكرو منجم فحم
ومنخلي نفسنا من المسؤولية ..
بس على كل حال مناخد الشباب زيارة ع حمام الشيخ عيسى
بدركوش أو منسبحن ب ....
بمسبح معسكر الأطفال بالمسطومة
أو مسبح معرة النعمان للشبيحة ...
كمان البث التلفزيوني منخدمك في خيي
صديقنا احمد عثمان بانتظاركن في جبل الأربعين إذا كان الجو
واقف ما في مشكلة مننزل ع التسعة وتلاتين
واذا ما مشي الحال مننزل للصفر حتى ما نتجمد بكفر لاتة
الموسيقا هدية للأشقاء الحماصنة فرقة الهوج للدبكة والصراخ
وفرقة أبو كرمو لحواش الزيتون جاهزة ع نقرة دربكة
وكمان أخي الدكتور في حال اشتاق اللاعبين لأهلن أو ذويهم
أو أولي القربى وبطريقن على ما ملكت أيمانهم
أو صاحباتهم عن قرب أو عن بعد ..
برنامج جديد عنا بشوفو بعض بحديقة الباسل
او ما يعرف اليوم بطلة العريش بقلب مخفر القسم
في حال كان الجو سيء والطقس رديء التواصل ع الشكل التالي
يقوم ساعي البريد بفتح كل رسالة مجانا للحفاظ على سلامة
الاخوة المواطنين ونقلها من ادلب لحدود الصين
أما إلكترونيا" فالصالات مفتوحة :
الساعة بساعة والمبلغ بالدولار وكاش
والفرجة بث تجريبي ببلاش
كل ما بوسع بلدنا أن يقدمه قدمناه
ارجو أن نكون قد وفقنا بما عرضناه من خدمات
والشكر كل الشكر للفريق الحمصي والله يحيي
أحفاد أحفادنا لحتى يعتزو بهاالنصر المؤزر ..
شكرا" الك دكتور انشالله ما أكون تقلت عليك .