عاشق الحرية
عضو
مميز
اسم دولتي :
عدد الرسائل : 169
العمر : 35
المهنة : طالب
المزاج : عاشق
 |  موضوع: مستقبل خدمة العملاء في سوريا  الأربعاء مارس 17, 2010 10:21 pm | |
|
مستقبل خدمة العملاء في سوريا
ذات مرة أراد رجل أن يتصل بمحل بيتزا ليطلب خدمة التوصيل للمنازل فردعليه
موظف استقبال الطلبات ودار الحوار كالتالي :
الموظف : نشكركم على اتصالكم , ببيتزا هَت، تحت أمرك أستاذ
الزبون: فيني أطلب؟
الموظف : ممكن تعطيني رقم الكردت كارد تبعك لو سمحت؟
الزبون: ماشي.... لحظة وحدة .. 6984554610 الموظف :حضرتك الأستاذ خالد و عم تتصل من العنوان شارع الراحلة نانسي عجرم بمنطقة المالكي بالشام ورقم تليفون بيتك 0119632147
الزبون : والله شي ظريف !.. كيف عرفت كل هل المعلومات؟
الموظف: هاد النظام الجديد يللي إعتمندناه عننا بالشركة
الزبون: أيوووااه ...أوكي .. بدي أطلب بيتزا سي فوود من فضلك
الموظف : ما بنصحك أستاذي فكرة غير جيدة
الزبون: أوف ليش؟
الموظف: من بطاقتك الصحية قدامي بيتضح أنو معك ارتفاع في ضغط الدم وارتفاع في معدل الكوليسترول الزبون : شو!!!.. ممم.. طيب شو بتنصحنا؟
الموظف: بنصحك ببيتزا المشروم خفيفة الدسم و رح تعجبك جدا
الزبون: وليش بقى واثق إنها رح تعجبني !!!
الموظف : لأنك اشتريت كتاب من معرض الكتاب مؤخرا اسمه: ألذ المأكولات المشروم.. من مكتبة الأسد بالأسبوع الماضي
الزبون : ايوه ايوه.. أوكي .. رح أطلب منها وحدة .... حجم عائلي،
الموظف: بعتقد إنك لازم تطلب وحدة تانية ... وحدة غير كافية لعائلتكم المكونة من 6 أفراد، فالمجموع بيطلع عليك 700 ليرة بس أستاذ عندك مشكلة للأسف الشديد مارح تقدر السداد بالائتمان ولابد أنك تسدد المبلغ نقداً
لأنك مديون للبنك بمبلغ 37220.55 ليرة من أكتوبر الماضي فواتير بطاقتك الإتمانية و سكروا عليك حسابها غير القرض الأخير يللي عليك من البنك للشقة الجديدة
الزبون: طيب رح بسحب من الماكينة القريبة من بيتي لبين ما توصل البيتزا
الموظف: كمان بعتذر من حضرتك إستاذ ...ما رح تقدر ..لأنه وفقاً للبيانات قدامي فإنك اليوم سحبت الحد الأقصى المسموح فيه من رصيدك كاش ..و ما حا تقدر تسحب اليوم أي مبلغ نقدا من ماكينة الصراف
الزبون: ايييييه أي والله، أخي بعات الولد وانا رح بعطيه كاش وأديش بتاخدو وقت مشان نعرف
الموظف: حوالي 45 دقيقة أستاذ ، بس إذا ما بتحب تنتظر كل هالوقت ممكن تتفضل حضرتك بسيارتك الكيا البيضا الجديدة
الزبون: شووو؟؟؟؟؟
الموظف : وفقاً للبيانات الموجودة قدامي فإنك اشتريت سيارة كيا جيب بيضا ، رقم اللوحة : دمشق 123456
الزبون : انت موظف سا.. و وقـ.. و رح أشتكي عليك يا.. الـ
الموظف: عفوا أستاذ ...انتبه لكلامك منيح ....لا تنسى أنو عندك قضية بسبب أنك شتمت ضابط مرور بألفاظ نابية بتاريخ 15 أغسطس الماضي متل مو واضح قدامي من بيانات حضرتك
الزبون: ...........لعما؟
الموظف: بتحب أخدمك بشي تاني أستاذ ؟
الزبون: لا لا سلامتك ولاشي بس البيتزا بالمشروم بالحجم العائلي مع البيبسي كولا المجانية يللي مع كل وجبة بيتزا ...، لعمه .. خدمة زبائن أما فرع مخ....
الموظف : الحق معك .. بعتذر ما بقدر أبعت لحضرتك البيبسي المجانية ...نحن عادة منقدمها للزبائن يللي ما بعانوا من مرض السكر ... ولكن متل مو واضح قدامي بيانات حضرتك بتظهر إنك مريض بالسكر
الزبون: أخي ألغي هالطلب كلووووووو ... ما عاد بدنا نتزهرم ضراب السخن ... قومي يامرة انقبري واطبخي
| |
|
المديرالعام
رئيس مجلس الإدارة
عدد الرسائل : 4686
| | موضوع: رد: مستقبل خدمة العملاء في سوريا الخميس مارس 18, 2010 10:23 pm | |
| مشكورة جهودك يالغالي مباركة جهودك معنا | |
|
دلوعة سورية ريم
دلوعة المنتدى
عضو أساسي
اسم دولتي :
عدد الرسائل : 765
العمر : 38
المهنة : إعلامية
| | موضوع: رد: مستقبل خدمة العملاء في سوريا الجمعة مارس 19, 2010 5:58 pm | |
| ههههههههههههههههههههههه معقول نوصل لهون هههههههههههههههههههههههههه
شكرآ عاشق | |
|
مريانا
عضو شرف مميز
اسم دولتي :
عدد الرسائل : 1595
العمر : 53
المهنة : موظفة
المزاج : عاشقة للحياة
| | موضوع: رد: مستقبل خدمة العملاء في سوريا الخميس مارس 25, 2010 2:20 pm | |
| ضحكتني من كل قلبي
شو هالآخرة
مشكور اخي عاشق الحرية | |
|
