عـزيـزي الـمـتـظـاهــر الـــســــلــمـــي

اعذروني مسبقا على وجود بعض الألفاظ ولكن هيك وصلني الايميل

عـزيـزي الـمـتـظـاهــر الـــســــلــمـــي

قبل ما تقول محاربة الفساد شوف مين عامل الفساد من أبوك لخالك أو عمك وجارك...

وابقى بس يوقفك شرطي المرور وأنت عم تحكي مع صاحبتك لا تحط بأيدو المعلوم وادفع المخالفة ...

قبل ما تقول حرية ... علّم ولادك عالحرية و فرجيني شو رح يساووا فيك ...

قبل ما تقول زيادة رواتب شوف حالك قديش عم تشتغل بالنهار .!! أكيد مو أكتر من 35 دقيقة ...

قبل ما تقول تعليم غير مختلط روح انقلع ع أفغانستان ...

قبل ما تطالب بتحرير الجولان روح اخدم عسكرية وحاج تدور عطريقة تتهرب فيها ...

قبل ما تشتكي من الراتب في شي أسمو "تحديد نسل" يعني حاج تبظ ولاد وتقول بدي شربون وطعميون ...

قبل ما تشتكي من البطالة روح ادرس وتعلّم ، وتذكر العلم عنا ببلاش ... أو تعلّم شي صنعة لأنو نحنا مو بسويسرا منشان نعطي رواتب للعاطلين ...

قبل ما تقول إفراج عن معتقلين سياسيين روح شوف هالـ ولاد الحرام لمين عم يتجسسوا ...

قبل ما تقول حرية الرأي تعلّم كيف تفك الحرف واستقر على رأي واحد ...

قبل ما تنتقد القيادات وتعمل حالك فهمان وهاد المحافظ عجبك وهاد مو عجبك ... تعلّم كيف تتقبّل نقد العالم لألك ... ولو حطيناك محافظ رح تنهب و تبلع وما رح تعمل شي للبلد ...

قبل ما تطلب تغيير قوانين وتحديث و تطوير خلّي البنت عندك تتعلم و تقول رأيا ...

قبل ما تقول الشغل داقر والحالة الاقتصادية زفت ..!! أنقبر فتاح محلك بكير ويكفي تتفرج عالديجيتال ...

قبل ما تقول هلكونا الضرايب شوف حالك قديش عم تنصب وتربح و تزور وما حدا عم يحاسبك ...

قبل ما تقول "نظام" روح لشي محل وانقبر وقف ع الدور أو استنى ختيار يقطع الإشارة بدون ما تتحيون وتزمر ...

قبل ما تقول حضارة وتطوير لا تبصق ولا ترمي الوسخ بالشارع ، لأنو هي أرض الوطن وإن شاء الله يبصق عليك الشعب كلو ...

قبل ما تقول ألنا مطالب ..!! لا تاكل هوا و تبيع صوتك بالانتخابات وتنتخب هالكم نصاب وهالكم مجرم كرمال كم ليرة ... وروح انتخب حدا يوصل صوتك بطريقة حضارية ...

قبل ما تعمل حالك رايح تصلي بالجمعة تذكر شو عملت طول الأسبوع من كذب ونصب ونفاق ... والله ما رح يغفر لك إذا طلعت ؟؟؟؟؟؟؟؟؟؟؟


[/b]

شكرا لك محمد الابي هذا عين الحقيقة وياريت الناس تفهم كل هالشي وان الاصلاح مو عبارة عن كلام منردده وبس ولا هو قوانين منغيرها وننطر ايمتى يتتغير بدون ما نعمل شي لازم ننطلق من تغيير انفسنا اولا

شكرااخي العزيز محمد
نعم ماقلته عين الحقيقة لكن ماذا نفعل هم بيعرفو الحقيقة اكثرمني لكن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شكرا اخت اماني واخي عمار لمروركم الكريم

شكرا لك استاذ حسان
انا لا ابرر لاي كان مهما كان عمله ولكن راي ان نلتزم بالقانون
حتى اذا تعرضنا للظلم ان تكون لنا القدرة على المواجهة

وانت ادرى الناس بما اعانيه رغم انني على صواب وكيف احاول الوقوف
بوجه من يسيئ لي

ينصر دينك على هكذا مقال اتمنى ان يستحي كل متنظاهر لما يقراه

شكرا لدعمك اخت سميرة

بالتأكيد أخي محمد أنت على جانب مهم من الصواب و الكثيرون ممن يتظاهرون لا يعرفون أين هم ذاهبون و ليس لديهم العقلية و التفكير الناضج لكنهم ينساقون خلف شعارات جذابة و عامة و هذه الشعارات العامة هي تعبر عن تطلعات أي شعب في العالم و هنا اسمح لي لأنتقل إلى رأي المدير العام الذي هو النصف الآخر للحقيقة و لولا و جود ماذكره المدير العام لما فعلت تلك الشعارات و الدعوات فعلها و لبقيت ميّتة في أرضها أو على الأقل كانت محجمة جداً بمعنى آخر إن رأييكما متكاملان و لا تعارض بينهما من وجهة نظري .
و ياللأسف إن الجهات الخارجية مع بعض المتعاملين معهم استغلوا هذا الوضع أسوأ استغلال .دعني أقرب لك الأمر أكثر : لنفترض أن القوى الخارجية و أدواتها في الداخل بيدها شهلة نار ( عود ثقاب , قداحة , ..............) وو إن الموظفين الحكوميين أو بعض المسؤولين بأعمالهم السيئة هي القش اليابس , فإذا لم يكن هناك قش فماذا يمكن أن تفعل النار ؟فإذا كنا لا نستطيع ضبط من بيده النار علينا أن نمنع الآخرين من وضع القش الازم لاشتعالها

شكرا لك اخي عمر
بالنسبة الى مداخلتك والاستاذ حسان 100% صحيح لايختلف عليها
وانا اضيف ايضا العامل الاقتصادي لان 80% ممن يتظاهرون الان ياخذون مبالغ لقاء ذلك وليس من دافع وطني ولاننسى انهم صغار السن

ولكن عتبنا على الاهل اين هي عيونهم مما يفعله ابنائهم الا يعرفون الى اين يجرون البلد,

ويوجد ايضا الكثير لمناقشته لكن الحديث يطول كثيرا .