صفات الشاب السوري

• اذا كان بيحب المتة مثلا بيشربها قبل الخروج من البيت ووقت بيوصل عالشغل وقبل الاكل وبعد الاكل ولمن بيجو لعندو ضيوف ولمن بيروحو الضيوف وقبل النوم........
• وقت بيصير تنزيلات بالمحلات بيخبر امو واخواتو.
• اي شخص اكبر منو ولو انو بحياتو ما شافو بيقلو " عمو " أو "خالتو".
• بيخبي كتير شغلات عن اهلو واهلو بيفكرو انن بيعرفو كل شي عنو وبيخلوه يصدق انن عرفانين كل شي عن حياتو.
• سلسة التهاني لا تنتهي والفرحة تظل غامضة بس ياخد اعدادية بيقولو عقبال الثانوية وبعدها عقبال الجامعة وبعدها عقبال التخرج وبعدها عقبال العروس وبعدها عقبال ما نفرح بولادك وبعدها عقبال ما نفرح بشهادات ولادك وهكذا..........
• عندما يصل سن البلوغ يصبح قلقا من علم جهات الاستخبارات بوضعه الجديد.
• الحصول على فيزا الى دولة غربية فرحة عظيمة والكل بيقلو " الف مبروك" متل اذا اجاه ولد.
• عندو اساليب التوسل في المطار ليسمحولو ياخد وزن زائد في الطيارة .
• بيحلم يملك عدة جوازات سفر وعدة جنسيات.
• وقت بيرجع ع بلدو بيلاقي باستقبالو 20 شخص بالمطار.
• وكل مابيرجع بيلاقي اقرباء جدد بحياتو ما شافهن بانتظارو بالمطار وهنن طبعا متل اهلو وأعز.
• كلما كانت الجامعة ابعد عن بلدو كلما كان احسن.
• وقت بيرجع ما بيعجبوه ولاد بلدو اما لمن بيسافر بيدور دوارة ع بلاليدو.
• لمن بيخلص دراسة بيرجع لعند اهلو وبيلزق فيهن من اول وجديد.
• هو مع اقرباؤو ممكن يشكلو مدينة صغيرة.
• كل شخص بيقابلو وبيرتحلو بيصير من عضام الرقبة وحبيب وغالي.
• بيعمل مشكلة مشان يدفع الفاتورة بمطعم اذا كان مع رفقاتو.
• بيعلم الشعب الاجنبي يحلفو بلغتو ع قد ما بيحلف.
• اذا عندو موعد غرامي بيروح لأي مكان المهم مايشوف حدا من اهلو او معارفو مشان ما يخربو عليه.
• مابيشعر بالحرية حتى يصير يدخن قدام اهلو.
• اذا صار عمرو بالعشرينات وماتزوج الشاطر بيقلو ختيرت وراحت عليك.
• الزواج هو اهم طريقة لإنقاذ سلالة الاهل والحفاظ ع مورثاتهم النادرة.
• بيعلم رفقاتو كيف يتمردو ع أهاليهن وبالمقابل هو ما بيسترجي يجاوب بوشهن.
• بيسأل ابوه سؤال بسيط وهون بيبلش الاب يحكيلو عن المسافات يللي كان يمشيها كل يوم مشان يوصل عالمدرسة.
• اهلو دائما كانو الأوائل بكل الصفوف والمراحل.
• بس يعصب الاب بيسب ابنو مسبة بتلحق الاب نفسو " يا ابن ال..........".
• بيحكي لأصدقاؤو"بيخرط" انو هو كتير مهم بالشغل " مدير- رئيس قسم- مراقب " وبيجوز يكون هو مجرد مستخدم او حاجب .
• بيدخن كأنو مافي بكرا...وبتفاخر اذا دخانو مالبورو.
• بيمشي مع رفقاتو بالشارع ع شكل كروب ممكن 7 اشخاص او اكتر وبيصيحو صياح لمن بدن يسولفو.
• بيحب يلبس جاكيت جلد ايطالي اذا بتكون الحرارة 100.
• ممكن يرقص ويدخن بنفس الوقت.
• اذا شاف شب احسن منو بيقول " يقصف عمرو".
• بتضل تقلو خالتو " امتى بدي ارقص بعرسك؟؟؟؟".
• لمن بيحكي مشاكلو لمعارفو بس بيقولو " بيفرجا الله".

دكتور وائل برايي نيالها يالي تتزوج سوري اي احلى شباب واحلى بنات بسوريا ارض الجمال

ونحنا منقول احلى شباب واحلى بنات بالجزائر
وبما انك هيك رح دبرلك عريس سوري بس يا ريت أعرف شو المواصفات؟

تسلمو يا اهل سوريا بتظلو الاحلى وانتو ورود الامة العربية الله يحفظكم مرسي دكتور مواصفات سوري ومتخلق واهم شي الحب والاحترام المتبادل شكرا ليك

الاحترام المتبادل بين الشباب والبنات مهم جدأ حتى بغض النظر عن الحب والعواطف وكل من يحمل تلك المواصفات فهو بالطبع شخص محترم ليس شب او فتاة المهم اننا عرب هكذا انظر للموضوع واتشرف بكم شباب وصبايا لانكم فخر لامة وللشعب وانتم ضوء النهارا الذي يضئ به المستقبل للاجيال القادمة استمتع بكم بالطبع ومن اي مكان في الوطن العربي
شاب او فتاة

المتنبي

» هل المواطن السوري ذكي وواعي كما قال الرئيس الأسد أم أنه غبي وجاهل كما يتعامل معه الاعلام السوري
» صفات واحوال واحسن النساء
» تعلم من كل مخلوق ثلاث صفات‏
» حدود العلاقة الشرعية بين الشاب و الفتاة
» شاب وضع صخرة في طريق فاصطدم بها رجُل ومات فماذا على الشاب ؟