أبيات من الشعر الحلبي المؤثر ( منقولة )

أبيات من الشعر الحلبي المؤثر
كما وردتني......... من المصدر

يقول الشاعر أبو بكري الجربقلي مايلي

زرعت راس توم ...و في بستاني جكيتو
و من مية الفل و عطر الورد سقيتو
و غبت عنو سنة و رجعت شميتو
التوم ضل توم و راح كل اللي حطيتو

وكمان سمعو لي هالأصيدة لاشوف

شفتك اول مرة جنب بيتنا بالحديقة الزغنوطة
و قلبي لما طسيتك طرق احلى زغروطة
شقد كنتي نهارا متلبكة و شكلك معبوطة
!!!و انهزمتي مني
!!! ايه بدي الحقك لو لفيت متل ابن بطوطة

ابوس شناق وش الحجي ازا بخطبني ياكي
والله يستر يقوم ما يستحمل كتر كري وعلاكي
يــأنو ياخيتو بزت حالي من فوق السجرة ازا بدي اعيش بلاكي
!!ي بقا ان شاء الله يصير بيت ابوي هو بيت إحماكي

و يا يوب على ايشاربك البني لما بيطيرو الهوا
و انا شفت وجك طبيت بارضي واكلت هوا
و قلت بحالي علوا نبقا العمر انا وانت سوا
و لا نمرض ولا نروح حكيم ولا ينوصفلنا دوا

و بكرا بتصيري حجة وانا الحجي و منخلف عجيان
و بطلعو كلون عاقلين الا واحد بطلع سعدان
و بفرط معلاقنا و بفضحنا بالحارة وبتعربش عالحيطان
!!و ببهدلنا قدام الخلق وكل يوم بضرب ولاد الجيران

وانا بقلو ينعن ابوك وانت بتلحقيه بالشحاطة
و انا بضربو بالقشاط وانتي بتحصريه على البلاطة
و بحرمو من المصروف لا بياخد صحاح ولا فراطة
اي ولي عليكي وعلى هالخلفة... يقطع عمرك على عمر اهلك... بطلت اتجوز!! ولي عالجازة وعلى ساعتها

وكمان وكمان شوفو هالابيات ...

اه خيتو هل لرؤياكي جارة (يعني شارة )
فقد شعلتي بفسط القلب نارة ..
ياما جبتلك جق بلبل و بصطيق بلون الحوارة
و ياما طعميتك فشافيش و قلبك أسود شحوارا (هي الالف للاطلاق )
لك رحمي جيبي يلي صار من شانك كيس خرو
و كرمالك ياما زعلت أبوي مني و جبتلو ا لجلطة قد ما كنت أحرّو
رحتي اتجوزتي هاد المفجلق و تركتي هالشب الكربوج
و حق الكعبة لأفجو و أشويكي متل الفروج

شو هاد حضرة المشرف الكشكول الغالي
هذه الكلمات تحتاج لترجمان

مشكور لك اخي الغالي كشكول
والله هاد الشاعر حلبي بحت :oops:
...............................

هل أصبح لأخوتنا الحلبيه شعر خاص بهم هذا انجاز رائع
شكرآ صديقي الكشكول

» أبيات مهداة الى القذافي...........................
» سر البيلون الحلبي
» عجائب الشعر
» نوادر من الشعر العربي
» الحكم بإعدام قتلة الصائغ الحلبي