مواصفات البنت السورية

مواصفات البنت السورية.. سمعوا لقلكن..

أولاً: فيس بوكياً:

1- اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين.
2- أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني.
3- و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انت طبعا ما بتفهم شي من هالفاين.

ثانياً- مسنجرياً:

1- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو
( مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي.
2- اذا يوما من الأيام صادفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمان بس ما بعرف مين انت.. و يا ويلك اذا ما بتجاوبها..
3- طبعا بتكون حاطة صورة الشطرنج تبع المسنجر, أو الوردة.. أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقت بتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها.
4- دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشر أسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.
ثالثا: في الشارع:

1- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم.
2- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض وبيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. سانسيلك.
3- تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعا بتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شرية ماركات و لفتت نظرها قطعة ما بتتفوت

رابعا: في المحلات التجارية:

1- اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتور من كوالالامبور....
2- اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دم الحاضرين أجلكن.
3- اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها.

اااااااااااااااااااااااااااللله يسامحك يا عاشق الموت هلق نحن هيك
؟؟؟؟؟؟؟؟؟؟؟؟؟؟؟؟؟؟

ههههههههههههههههههه تسلم ايدك عاشق الموت الغالي
والله ما تسمعك ريا وسكينة عفوآ أقصد رشا أو ريم هههههههههههههههههه
ليعملولك مشكلة

شو هالقصة معكم شباب المنتدى
جاية عبالي اعمل منتدى خاص لبنات المنتدى
وخليكم لوحدكم تندبوا حظكم
خفوا علينا شوي
ولا لأني نحنا مهذبات مابننشر غسيلكم
طايحين فينا
كل عام وانتم بخير

ستووووووووووب لهون وبس شو ياعاشق الموت نازل فينا وماحدى قادر يردك
بسيطة رح شكل لجنة أنتقام منك
وأنت يااااااااااااااليث شو يا ليث مبسوط كتير شايفتك وشمتان ومابعرف كأنة ضحكتك
سمعوها كل أعضاء المنتدى انتظر حسابك جايك الدور

شايفة حبيبتي ريم
موقلتلك صار لازم نعمل انقلاب

[ندعوك للتسجيل في المنتدى أو التعريف بنفسك لمعاينة هذه الصورة]

.......................

يا طاير فوق وكلّك ذوق
أنا مشتاق وبراني الشوق
ودواي في سوريا وفي لبنان

*******

سوريا ولبنان قامات وقدود
عليها بشوف عيون وخدود
تزوّد نار القلب ببارود
أنا أعشق سوريا ولبنان
سوريا ولبنان

*******
عااااااااااااااااااااااشق الموت اقول لك شيء..
بالعكس ما في احلى من بنات سوريا
زوينات بزاف ورزينات ومتزنات وما كاينش بحالهن شكلا ومضمونا .. وخا؟ تفاهمنا ؟
وانت خاصك تفتخر بهن وتفتخر كونك سوري وتمتل اخ لكل سورية فانا كنتمنى منك تكتب شي موضوع تاني وتفتخر فيه بهن

وعني انا كمغربية وافتخر [ندعوك للتسجيل في المنتدى أو التعريف بنفسك لمعاينة هذه الصورة]
اقول اني احترم كل بنت سورية ومعجبة بها.. فوق انها جميلة.. كونها تقية وعزيزة النفس.. [ندعوك للتسجيل في المنتدى أو التعريف بنفسك لمعاينة هذه الصورة]

شكرا جزيلا عزيزتي ايمان
يامذوقة
ونحنا كمان بنحب بنات المغرب وبنفتخر فيهم
شايفين ياشباب
اتعلموا من ايمان وحسوا بقيمتنا
ماالكم غيرنا يالآخر

العفو يا عزيزتي هذا هو الواقع والصراحة راحة

» الشبكة السورية لحقوق الإنسان: الأحداث السورية عرت حقد وتخلف بعض الأنظمة العربية
» شيفرة المصطلحات السورية
» البنت وامها بجيبو الجلطة
» الى متى سيبقى اهل الام او الاب يرعى اطفال الاب او البنت
» العلاقات الجزائرية السورية