معلومات عامة

اشياء تتعلمها من بعض السوريين في الأوقات الصعبة

الاستغلال :
من أول ضربة كف بالشارع كلو بلش يعمر طابق ثاني مخالف ويلي ماعندو سطوح فتح بئر ارتوازي جنب البيت ويلي ماعندو شي اشترى هونداية وبلش يزق بحص ورمل وشمنيتو

الغباء :
من أول يوم بالأزمة بلشت هالعالم تشتري بها لدولار$ وتخزن خبز وطحين وذرة صفرا وبامية وقناني مي فاضيه وعلى قولة إذا هالخبزات باتو ومااكلناهم منخليهم للفتة يوم الجمعة وإذا مامشي الحال مو مشكلة منلطي لها لمسكين يلي بيشتري خبز يابس
الاستهتار :
كلو صار يمشي بلا حزام امان وكلو صار يقطع الاشارة وكلو صار يفييم السيارة يامعلم وشي افانتي وشي سيراتو وخود على تشفيط واغاني وطنية
عقدة النقص :
من وقت لي درجت موضة المندسين صار بعضا من افرادالشعب أمن وكلن صاروا يلبسوا هالجواكيت الجلد ويقدحك هديك النظرة المروحية وخود على بطولات وكش , شي كمشو مندسين عندو بالحارة وشي كمش مندس مع ؟؟؟؟؟؟؟..
الرأي الاخر :
فورا درجت موضة الرأي الأخر ومو مهم اي رأي المهم يكون رأيو غير رأيك ومن رأي مرتو شرط مايكون رأي مرتك متل رأي مرتو او رأي ابنو لصغير يلي ماشالله يقبر ابوه فهمان المؤامرة من لما كان بالحفاض ( ومو لأنو ابني بس ابني ذكي كتير ) وكلو صار يطلع عالتلفزيون ويعلك وصار قانون الطوارئ يامعلم اخدينو من نحنا بالابتدائي و كل الشعب بيفهم فيه

الجعير :
طبعا سمعنا كلنا الجعير بالمظاهرات جعير من كل الانواع ومن كل الاحجام يعني اذا كنت نايم يوم الجمعة ومرقت من جنبك شي مظاهرة بتكره حالك وعلى حرية حرية نحنا بدنا حرية ولما بتخلص المظاهرة بيجيك بياع الفول وعلى فولية فولية نحنا بدنا فولية ..
الطيلسة :
يلي اخدلو قرض نام عالسيرة وبلش يخطط انو اذا خربت من كون نفدنا بهالقرض والبقالية يلي بدو من الزباين مصاري بلش يعلق اللافتة المشهورة (( نعتذر عن الدين ))
وغير السرقة والنصب والكش والتعصيب واكل الهو وخود على عقد
قال حرية ؟؟!!! لك والله اذا بتجيب نظام من اليابان ليحكم هالبلد بيعطل تاني يووووووووم

عذرا على بعض الكلمات ولكن هيك وصلني واحببت المشاركة دون تغيير

شكرا لك استاذ عمر :

بالنسبة للموضوع قمت بحذف الكثير قبل نقله على صفحة المنتدى
وموضوع المسيرة لم يحذف عن طريق الخطأ

وارجو ان يعجبك باقي التغيير المطلوب

أخي محمد شكرا لك على هذا الموضوع لقد قمت بتغيرات جلعت الموضوع أفضل و أنت دمما تقدم مواضيع مميزة تشعرنا بالمتعة و الفائدة وأنا مع أي فكرة شرط أن لا تسيء هذه الفكرة أخلاقيا للآخرين لك تحياتي