الرأي الحر - Free opinion لمراسلة المدير العام aboibapress@hotmail.com

الرأي الحر - Free opinion لمراسلة المدير العام aboibapress@hotmail.com


 
الرئيسيةالبوابةالتسجيلالمنشوراتدخولاليوميةمكتبة الصوربحـث
موقع صحيفة الفواصل السورية



صحيفة شاملة غير سياسية نعتمد على الجرأة
نلامس معانات المواطنين ونعالجها بايصال شكاويهم للمعنيين
ونعتمد بسرعة نقل الحدث بمصداقية وبدون تحيذ بعيدآ عن السياسة

http://www.alfwasel-sy.com/


شاطر | 
 

 تحية لاهل الشام

اذهب الى الأسفل 
كاتب الموضوعرسالة
سميرة
مديرة المنتدى
مديرة المنتدى


اسم دولتي :
  • الجزائر

انثى
عدد الرسائل : 1643
العمر : 36
المهنة : مهندسة دولة في البيولوجيا
المزاج : وحيدة

مُساهمةموضوع: تحية لاهل الشام   الثلاثاء ديسمبر 07, 2010 7:17 pm

قاموس شامي - عربي



دَشْرو : يعني حل عنّو .. تركو



ماني غضران : يعني لست بقادر وهي( بالميداني)



يوه تشكلو آسي : يوه مفرده يأتي شرحها لاحقاَ



تشكلو آسي بعيد(الشر(

:تعبير يفيد شدة حب المتكلم للمتكلم عنه . .



الواه الواه : تعبير نسائي بحت يفيد التمسخر على شيء ما



معبّا بـ بنطرون : يعني واحد أجدب وجاية يحكي



ولا : آداة تستخدم في النهر والشتم





وخنان : مسبة مانها ظريفة بس وضعت للضرورة اللغوية



دشّرني : أي حل عني . . . وحل عني يعني اتركني بحالي



طلاع من راسي : كمان يعني حل عنّي



سد بوزك : يعني سكوت



سد نيعك : شرحو



أيدي بزنّارك : تعبير يستخدم للتعبير عن الرجاء



دخيل الله : أيضاَ تعبير والمقصود به هو الاستغاثة بالله





شَعرو متل الشوشة : أي أن شعره منفوش ومنكوش



متل فرشاية المدفع : يعني شعراتو خشنين ومنكوشين







وضرّاب السخن : وهي مسبّة. . وتعني . . . . ما بعرف بالضبط شو .. بس مسبّة



يوه الواه الواه : مفردة شهيرة جدأ عند النساء وتفيد الأوّية ( نوع من أنواع المسخره بين النساء)



كوكِش : يعني يفتش



بحبِِش : أيضاً مفردة تعني البحث مع التمحيص



ينمحئ : ويعني ينضرب على قامتو . . يسطفل



يبعتلو حمّى : أي تصيبه حمى ونخلوص منّو



يبعتلو أتلو : يعني يموت



يروح دعس : كمان يعني يموت بس دعس





(دعس . فعس. معس )



متل مكّوك الحايك : يعني بحوص كتير



يفش نيعك : هي مسبّه



برِى عليك : يعني برافو أحسنت





شو مشان : يعني شو



تؤبرني : دليل محبّه



تشكل آسي : كمان محبّه



تؤبر عضامي : نفس المعنى بغير ريحه



تمشي على رمشي : شرحو



تطلع على أبري : كذلك



زواز : يعني زواج



سجره (بالسّين ): يعني شجره



أوضه : يعني غرفه



يتحورء : متل يبعتلو حمى



يتئوّص : بنفس المعنى



يتأمّع : كمان هيك شي



عود يئعد رزّك : يعني خيلتنا حاجة تحوص



والمعنى الأدق: يقعد رزك يعني تموت والناس ياكلو رز. . لأنو من المعروف



عندما يموت حدى بتصير عزيمة وبيطعمو الناس أوزي على روح الميت والأوزي أكلة



معروفة بالشام







وين غاطط : وين مو مبين







مافي أرنة: يعني لا يوجد مكان



مطرح مالو آعد : يعني بالمكان يلي يجلس فيه



والسبع تنعام : يعني إلنا الشرف



وأش كان : وتعني .. وأذا كان .. طز



ششمه : يعني تواليت



خالص : يعني منتهي أمرو ... حرام عيشتو



حمل ضرب طْرِيئو : يعني يحمل حالو وراح



الداكونه : الغرفه يلي تحت الدرج



نمليّه : مكان بالمطبخ بيحطو فيه اغراض



صحن مئوبع : يعني صحن منتلي لآخرو







حيط بياخذو وحيط بيجيو : تقال للي بيسكر من كتر الترنّح



مابيعرف الخمسة من الطمسه : عن الرجل اللي ماعندو ثقافة







سرّي مرّي : عاللي بيخفق برات البيت







شندي بندي : للي بيحكي بلا طعمه شروي غروي







فايت بالحيط – طاقق الفيوز : للدلالة على انو ماعم يلاقي كلمة مناسبة







مجنّط : مفلس ولا قرش







كِحته : إيدو ماسكه . بخيل







شاطط ماطط : يعني مدلع زيادة



نعيان : يعني قلبو بارد



نايط = نعيان = بارد







شاضومه : بنت مجلوئة . . يعني كيف بدي إلكن . . . قليلة أدب ومصبْينه



شحّاطة : مايلبسه المرء في قدمه عندما يكون في المنزل



صرمايه : يعني حذاء



ديوانيّه : يعني صوفايه



صوفايه : يعني كنبايه



طائيّه : القبّعه التي توضع على الرأس







تعسيله : نومة بعض الظهر



تغدّى وتمدّى : يعني قيلوله بعد الغداء







مسرسبة : يعني بتحب النظافة كتير











مسمّاويه : يعني حقودة وأويّه



كركمّه : يعني ختياره مصوفنه



أسسييع أوعى الزيت : بمعنى أفسح طريق



زكرت : يعني أبضاي







أغّيييييى : هي للأبضايات وبس



خروء : يعني ضعيف كتير ما بيلئى كف







تاكلو الدوده العميا : يعني الواحد يموت وياكله الدود بعيد الشر







يبعتلو أتلو شو سمج : كمان يعني يموت وسمج يعني غليظ .







موَسوس : مهووس بشغله



محبّك : يعني زكي كتير



ضراع : يعني ذراع



المحروسه : كلمه تسبق اسم أحد في حال السؤال عنه مثلا : (كيفا المحروسه والدتك ..)



وهي تذكر على النساء فقط







عئلو جوزتين بخرج : يعني عقله صغير







متل الأطرش بالزفّة : يعني مالو علاقة بالموضوع







حاجه تحوص وتلوص : يعني حاجة تفتل وتدور







شويّة لخار : بعد شوي .. وقت آخر







بنت عمّي : يعني مرتو وطبعاً بالعكس



تخورف : إتخوزء





مع ملاحظة أن حرف القاف يقرء همزه وليس قاف



مثلاً : (ينمحق = بنمحئ )



وهذه كلمات متداولة فقط عند أهل الشام الأصليين
الرجوع الى أعلى الصفحة اذهب الى الأسفل
سميرة
مديرة المنتدى
مديرة المنتدى


اسم دولتي :
  • الجزائر

انثى
عدد الرسائل : 1643
العمر : 36
المهنة : مهندسة دولة في البيولوجيا
المزاج : وحيدة

مُساهمةموضوع: رد: تحية لاهل الشام   الثلاثاء ديسمبر 07, 2010 7:18 pm

يسلمولي اهل الشام حبايب قلبي وقبلاتي الحارة لاهل سوريا من القلب الى القلب
الرجوع الى أعلى الصفحة اذهب الى الأسفل
وليده
عضو نشيط
عضو نشيط


اسم دولتي :
  • سوريا

انثى
عدد الرسائل : 95
العمر : 32
المهنة : صحافة

مُساهمةموضوع: رد: تحية لاهل الشام   الأربعاء ديسمبر 08, 2010 12:02 pm


عزيزتي سميرة قبلاتك لأهل الشام وصلونا وصار بدنا نبعتلك قبلات أهل الشام

لأهل الجزائر ..وبالبرق كمان ...

ومعهن شوية مصطلحات ادلبية ...على الشكل التالي :

أشو يو خاي : أي ماذا يا أخي ؟



أشبك لك خاي :أي ما بك يا أخي ؟

لا شو : اي لماذا ؟



عليي الطلاق بالتلاتة : وهي الأكثر استخداما

وتعني : قسم معظم أنه سيطلق زوجته ...




وقويس : دعوة قاسية معناها رشقه الله بالرصاص ..وقد جاءت


من قوس ..يقوس أي يضرب بالرصاص

وفشكة : نفس التعبير ..لكن الاولى تستخدم في الحارة

الشمالية والثانية في الضبيط ..والقصور ..


شاروخ أو جاروخ :أي شحاطة ...يعني حذاء


طريزينة : أي سيارة شبيهة بالطنبر ...قد تكون باربع عجلات


أو بثلاثة ...

يا ياب ع النبي :تعبير عن الاستغراب والشهقة ..وهي بمعنى يا إلهي


كواه هاك , ليكو : يعني : انظر انه هو .


بالكوم : أي لقمة خبز ...


امش ع السيوي : اي امش عطول مباشرة


كوه ها لاك : أي شوف ولا !!

أشبو :أي مابه


وامتنعنا أن نرسل الباقي لأن اللغة مستوردة ...

بحكم اختلاط المحافظة بالآخرين ..عن طريق باب الهوى ..!!!!


شكرا" لك سميرة ..
الرجوع الى أعلى الصفحة اذهب الى الأسفل
سميرة
مديرة المنتدى
مديرة المنتدى


اسم دولتي :
  • الجزائر

انثى
عدد الرسائل : 1643
العمر : 36
المهنة : مهندسة دولة في البيولوجيا
المزاج : وحيدة

مُساهمةموضوع: رد: تحية لاهل الشام   الأربعاء ديسمبر 08, 2010 1:32 pm

نورتي الموضوع عزيزتي وليدة
الرجوع الى أعلى الصفحة اذهب الى الأسفل
 
تحية لاهل الشام
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الرأي الحر - Free opinion لمراسلة المدير العام aboibapress@hotmail.com :: المنتدى الترفيهي و الثقافي :: هل تعلم ؟؟؟-
انتقل الى: