إذا وإذا

إذا حكى الشب بشي شغلة بيقولو عم يتفهمن
إذا حكيت البنت بشي موضوع بيقولو فهماني
إذا بكي الزلمي بيقولو مانو زلمي
إذا بكيت المرأة بيقولو حساسة
إذا صار في وظيفة بشي شركة ما فغالبا بيكون التوظيف للمرأة
إذا صار ما صار وقرر الشب يتزوج الله يعينو بدو يجيب البيت وبدو يجيب النقد وبدو يجيب مصاريف العرس
وبدو يرضي حماتو وبدو يرضي عروستو وبدو يرضي الناس وبدو يرضي قرايبينو وبدو وبدو الله يعينو هالشب
إذا اشتهت المرأة فأمرها مطاع
وإذا اشتهى الشب فهذا اسراف
إذا عصبت المرأة فلازم الرجل اللي يهديها
أما غذا عصب الزلمي فروح ورجاع لحالك مبسوط يا عمو
إذا حب شي واحد منا وكان حبو طاهر بيضل يحب ويحب بهالبنت وهي على أساس بتحبو
و هي بأول عريس بتزتو ورى ضهرها وبتتزوج
إذا مرت شي شغلة بحيات الرجل وما عرف كيف يحلها فأول شخص بيقلو هالشي هوي المرأة
أما المرأة فاول ما بتقول بتقول لرفيقتها
إذا بكي الزلمي فهوي اللي بيمسح دموعو لحالو
وغذا بكت المرأة فبس هيي تأشر وبينطلها ألف زلمي ليواسوها ويمسحولها دموعها
إذا كانت المرأة بشي موقع مهم فبيقولو عنها ناجحة
أما إذا كان الرجل بنفس هالموقع فعادي ولا كأنو صار شي
إذا حب يكتب الرجل عن المرأة فبيكتب جرايد وقصص وافلام ومسلسلات
أما إذا حبت تكتب المرأة عن الرجل فبتكتب عن نفسها
إذا نجح الرجل بحياتو فبسرعة بيقولو وراء كل رجل عظيم امرأة
أما إذا نجحت المرأة فمافي داعي يكون وراء كل إمرأة عظيمة رجل
إذا حكيت هون وبحت بكل اللي بقلبي ممكن إتقلع من المنتدى وماعد يحكيني من إخواتي اللي هون

هدول كم شغلة خطرو على بالي
تناقضات غريبة وعجيبة بين الرجل والمرأة